ஏக்கம் நுாறு [பகுதி - 25

ஏக்கம் நுாறு [பகுதி - 25]

மூக்கென்ன? முழியென்ன? மலா்கள் சூடி

     முகில்தவழும் குழலென்ன? செந்தேன் சிந்தும்

நாக்கென்ன? நலமென்ன? மோகம் மூட்டி

     நடைபோடும் நளிவென்ன? நேராய்ச் செல்லும்

வாக்கென்ன? வடிவென்ன? விரிந்து பூத்த

     வண்ணமலா் மார்பென்ன? கூா்கொண் டுள்ள

ஊக்கென்ன என்பதுபோல் ஒளிரும் பார்வை!

     உணா்வேறி உருகுதடி ஏங்கும் நெஞ்சே! 91

உனைப்பெற்ற பெற்றோரை வணங்கி நிற்பேன்!

     ஒப்பில்லாப் பேரழகாய் உன்னைத் தந்தார்!

எனைப்பெற்ற பெற்றோரை என்ன வென்பேன்?

     ஈடில்லாப் பெருங்கவியின் ஆற்றல் ஈந்தார்!

பனைபெற்ற வன்கரையை அறிக்கும் நீா்போல்

     படா்ந்துள்ள என்மார்பைத் தாக்கும் கண்கள்!

மனைபெற்ற அரும்மாண்பைச் செழிக்கச் செய்யும்

     மாமழையே! மாதவமே! ஏங்கும் நெஞ்சே! 92

படிப்பதுபோல் ஏடுகளைத் திருப்பி, ஓரப்

     பார்வையினை வீசுகின்றாள் என்னை நோக்கி!

அடிப்பதுபோல் முறைக்கின்றாள்! சுரக்கும் அன்பை

     அடியோடு மறைக்கின்றாள்! கனியைத் தொட்டுக்

கடிப்பதுபோல் காட்டுகின்ற காட்சி கண்டு

     கருத்துணா்ந்து கவிபாடக் கம்பன் வேண்டும்!

குடித்ததுபோல் பெரும்போதை உற்றே நாளும்

     கூத்தாடித் துள்ளுகிறேன்! ஏங்கும் நெஞ்சே! 93

                                         தொடரும்)