முல்லைக் காடே!

முல்லைக் காடே

பூந்தமிழ்ப் புகழைப் பாடு - அதற்குப்

புவியினில் ஏதிங்(கு) ஈடு!

பைந்தமிழ்த் தேனைப் பருகு - சந்தப்

பாவினில் உள்ளம் உருகு!

வண்டமிழ் வண்ணப் பாக்கள் - மனம்

மயக்கிடும் வைரப் பூக்கள்!

ஒண்டமிழ் அழகே அழகு - உலகில்

உயர்கவி எழுதப் பழகு!

முத்தமிழ் முல்லைக் காடே - அதில்

மொய்த்திடும் இன்பம் நீடே!

நித்தமும் என்றன் தாயே - என்

நினைவினில் இருப்பாய் நீயே!