அன்பைப் பொழிந்தான்

அன்பைப் பொழிந்தான்

பட்டு வேட்டிக் காரன் - என்னைப்

பார்த்துப் பார்த்துச் சிரித்தான்!

கிட்ட வந்து நெஞ்சை - அவன்

கிள்ளிக் கிள்ளி முறைத்தான்!

வட்ட முகத்துக் காரன் - மனதில்

வந்து வந்து நடித்தான்!

கட்டுப் பாடே இன்றிக் - கனவில்

கட்டிக் கட்டிப் பிடித்தான்!

வெட்ட வெளியின் பக்கம் - என்னை

வேண்டி வேண்டி அழைத்தான்!

திட்டம் போட்டு வந்தே - அழகைத்

தீண்டித் தீண்டிச் சுவைத்தான்!

தொட்டுத் தொட்டு என்னைத் - தோழி

தொடா்ந்து அரட்டை அடித்தான்!

அட்டை போல ஒட்டி - நாளும்

அமுதை அள்ளிக் குடித்தான்!

10.01.1985