காதல் ஆயிரம் [பகுதி - 82]

காதல் ஆயிரம் [பகுதி - 82]

 

781.

உன்மடல் இன்றி உலகே வெறுப்பாகும்!

என்னுடல் வாடும்! இறுகும்உயிர்! ! - பொன்மகளே

ஓா்சொல் எழுதுக! உள்ளம் உவந்தெழச்

சீா்சொல் எழுதுக சோ்த்து!

782.

தேனருந்தும் வண்டாகித் தேவியுனைப் பற்றுகிறேன்!

நானருந்தும் போதை நரம்பேற -  மான்மருண்டு

பார்ப்பதுபோல் பார்க்கின்றாய்! பார்கொண்ட இன்பத்தைச்

சோ்ப்பதுபோல் பார்க்கின்றாய் தோ்ந்து!

783.

உன்குரல் கேட்க உயிரலைந்து ஏங்குதடி!

இன்குரல் மாதே! இளையவளே! - பொன்குரல்

சூடிப் பிறந்தவளே! துாய மனத்தவளே!

ஓடி வருவாய் உடன்!

784.

மாலை மயங்கிவரும்!  மங்கை நினைவுகளைச்

சோலை மணந்துதரும்! சொக்குகிறேன்! - பாலை

நிகா்த்த மலா்மகளே! நெஞ்சத் துயரைத்

தகா்த்த அமுதினைத் தா!

785.

நான்எழுதும் சொல்லெல்லாம் நங்கையுன் பேரழகால்

தேன்எழுதும் சொல்லாகத் தித்திக்கும்! - மீன்எழுதும்

காட்சியைக் கண்கின்றேன்! உன்முகத்தில் அன்பொளிரும்

ஆட்சியைக் காண்கின்றேன் ஆழ்ந்து!  

(தொடரும்)