தமிழ்ப்புத்தாண்டு வாழ்த்து

தமிழ்ப்புத்தாண்டுப் பொங்கல் வாழ்த்துக்கள்
　　
பொங்கலோ பொங்கல்! புவிபோற்றும் நற்பொங்கல்!
திங்களோ திங்கள்! தமிழ்த்திங்கள்! - சங்கெடுத்[து]
ஊதுகவே! என்..தோழா! ஓங்குதமிழ்ப் புத்தாண்டை
ஓதுகவே உள்ளம் உவந்து!
　　
வான்போல் கொடைக்கை, மலர்போல் கமழ்நெஞ்சம்,
தேன்போல் சுவைக்கும் செழுந்செய்கை, - கான்போல்
தழைக்கும் தகைவாழ்வு தாராய்..புத் தாண்டே!
கொழிக்கும் புகழைக் குவித்து!
　　
பாட்டரசர் கி. பாரதிதாசன்
தலைவர்
கம்பன் கழகம் பிரான்சு
உலகத் தொல்காப்பியத் தலைமை மன்றம்
15.01.2019