vendredi 27 juillet 2018

வெண்பா மேடை - 87


வெண்பா மேடை - 87
  
நெடிலொற்று வெண்பா
  
கண்ணா!
  
சீர்நேயா! மாமாயா! தேன்வாயா! கான்மேயா!
தார்நேயா! நேர்வேயா! சார்தேயா! - கார்சாயா!
நீர்நேயா! பேர்ஞாயா! நீள்துாயா! கூர்சீயா!
பார்நேயா! நீ..தாராய் பா!
  
தமிழே...
  
தேனே..நீ! தேமா..நீ! தேரே..நீ! தேவே..நீ!
மானே..நீ! மாண்பே..நீ! வாழ்வே..நீ! - வானே..நீ!
ஊனே..நீ! ஆன்மா..நீ! பாவே..வாழ் ஊரோ..நீ!
நானே..நீ! நீயேதான் நான்!
  
[பாட்டரசர் கி. பாரதிதாசன்]
  
இவ்வெண்பாவில் குற்றெழுத்துகள் வாரா. நெட்டெழுத்தும் ஒற்றும் கலந்து வரும். நெடிலொற்று நேரிசை வெண்பா ஒன்றை விரும்பிய பொருளில் பாடுமாறு அன்புடன் வேண்டுகிறேன்.
  
"பாவலர் பயிலரங்கம்" என்ற குழுவில் இணைந்து நெடிலொற்று நேரிசை வெண்பாவைத் தனிப்பதிவாகப் பதிவிட வேண்டுகிறேன்!
  
அன்புடன்
  
பாட்டரசர் கி. பாரதிதாசன்
தலைவர்:
கம்பன் கழகம் பிரான்சு
உலகத் தொல்காப்பியத் தலைமை மன்றம்
27.07.2018

Aucun commentaire:

Enregistrer un commentaire