இனிய நண்பா் சிவகுமார்

          தமிழ் உறவுகளே வணக்கம்!

         நீங்கள் எழுதும் கருத்து மழையில் என்னுள்ளம் கரைந்து  மகிழ்கிறது!

      உங்கள் வரவை எண்ணியே  புதிய கவிதைகளை எழுதவேண்டும் என மனம் எழுகிறது, இரண்டு மூன்று ஆண்டுகளாக ஆயிரத்திற்கு மேற்பட்ட கவிதைகளை எழுதி இருந்தும் கணினியில் பதிவு செய்யக் காலமின்றிப் பேழையில் குவிந்துள்ளன, ஒவ்வொன்றாக வலையில் பதிவேற்றுவேன், மெல்ல வலைப்பதிவைக் கற்று வருகிறேன்!

         கம்பன் கழகத்தின் தொலைக்காட்சி இயக்குநரும், குறளரங்க மின்வலைப் பொறுப்பாளரும், கம்பன் இதழ் வடிவமைப்பாளரும் நண்பா் சிவகுமார் நேற்று மாலை என் இல்லத்திற்கு வருகைதந்து மின்வலை இயக்கும் நுட்பங்களைக் கற்றுக்கொடுத்தார்! என் வலையின் பெயரை அழகி வண்ணத்தில் மாற்றி அமைத்தார்!  ஒலி ஒளி காட்சி அமைத்தார்!  அவரின் தமிழ் உள்ளம் செழித்துச் சிறக்க வாழ்த்துகிறேன்! நன்றி நவில்கின்றேன்!

நண்பா் சிவகுமார் நாளும் தமிழமுதை

உண்பா்! கணிப்பொறி நுண்கையா்! - ஒண்மனத்தா்!

எல்லாத் திசையும் எழிற்றமிழ் பூத்தாட

நில்லா துழைப்பார் நிலத்து!