திருக்கர்த்தர் திருநாள்

திருக்கர்த்தர் திருநாள் வாழ்த்து!
　　
மண்ணின் சுமையைச் சுமந்திட்ட
　　　விண்ணின் வேந்தன் திருநாளைக்
கண்ணின் மணியே! கட்டழகே!
　　　காதல் கொண்டே போற்றிடுவோம்!
பெண்ணின் பெருமை காட்டியவர்!
　　　பேற்றை யள்ளி யூட்டியவர்!
பண்ணின் இனிமை நம்கா்த்தர்!
　　　பாடி யாடிப் பணிந்திடுவோம்!
　　
ஒன்றே இறைவன் 'உண்மையொளி'
　　　உலகம் எங்கும் ஒளிரட்டும்!
நன்றே வாழ 'அன்பினொளி'
　　　நலமாய் எங்கும் பரவட்டும்!
குன்றே உருகத் திருமகனார்
　　　கொண்ட காட்சி! அருளாட்சி!
இன்றே வாழ்த்தி வணங்கிடுவோம்!
　　　இதயம் ஒன்றி மகிழ்ந்திடுவோம்!
　　
பாட்டரசர் கி. பாரதிதாசன்
நிறுவுநர்
கம்பன் கழகம் பிரான்சு
தொல்காப்பியர் கழகம் பிரான்சு
25.12.2019