எடுப்பு
வீரத் தமிழா விழித்திடு – உன்
விழியாம் தமிழைக் விரைந்த நீ காத்திடு!
(வீரத் தமிழா)
தொடுப்பு
சீரெனும் செந்தமிழ் செம்மொழியாம் - அதைத்
தேனென உண்டே சிறந்து நீ வாழ்ந்திடு!
(வீரத் தமிழா)
முடிப்புகள்
இனிதாகும் தமிழ்தன்னைப் போற்று – நமை
எதிர்ப்போரை முன்னின்று எந்நாளும் தூற்று!
கனிபோலும் தமிழினிக்கும் ஊற்று – அதன்
காதல்மேல் வீசட்டும் கற்கண்டாம் காற்று!
(வீரத் தமிழா)
கலைபல கண்டவர் தமிழரென்றோ – தொல்
காப்பியம் கொண்டவர் தமிழரென்றோ!
சிலம்பினைப் பெற்றவர் தமிழரென்றோ – திருக்
குறளினைச் கற்றவர் தமிழரென்றோ!
(வீரத் தமிழா)
கற்பனைக் கடலெனும் கம்பனையே – புவி
கண்டிடச் செய்ததும் களிதமிழே!
அற்புத அருட்சுடர் வள்ளலையே – இங்கு
அகமகிழ்ந்(து) அளித்ததும் அருந்தமிழே!
(வீரத் தமிழா)
RépondreSupprimerஉண்டுறங்கி வாழுவதோ? உள்நடுங்கி அச்சத்தைக்
கொண்டிறங்கி வாடுவதோ? கொள்கையை - மண்ணுறங்கச்
செய்வதுவோ? செந்தமிழா என்று விழிப்பாயோ?
பொய்வதுவோ வாழ்வும் புழுத்து!
Supprimerவணக்கம்!
அற்றைத் தமிழின் அருநிலை எண்ணாமல்
இற்றைத் தமிழன் இழிகின்றான்! - ஒற்றையாய்
எங்கும் உலவுகிறான்! இன்றிவனுள் தன்மானம்
பொங்கும் உணா்வைப் புகுத்து!