உள்ளதோ ஓா்நுால் உலகினிலே! - துள்ளும்
கயல்விழிப் பெண்ணே! அயல்மொழி நீக்கி
உயா்தமிழ் காப்பாய் உடன்!
முன்னே பிறந்ததமிழ்! முத்தாய் ஒளிர்ந்ததமிழ்!
என்னே உரைப்பேன் இணையாக? - பின்னே
மயா்நிலை ஏனோ? மதியொளி ஏற்றி
உயா்தமிழ் காப்பாய் உடன்!
சற்றே அயா்ந்திடில் முற்றும் இழந்திடுவாய்!
பற்றே இலையெனில் ஏதுபயன்? - நற்றேன்
நயக்கும் நறுந்தமிழின் நண்ணுநிலை எண்ணி
உயா்தமிழ் காப்பாய் உடன்!
எங்கும் தமிழே! எதிலும் தமிழே!என்(று)
தங்கும் உணா்வுடல் தாங்குக! - பொங்கும்
புயலெனச் சீறுக! போந்தபகை வீழ்த்தி
உயா்தமிழ் காப்பாய் உடன்!
உயிர்த்தமிழ் என்றும் உடல்தமிழ் என்றும்
குயில்தமிழ் கூவிய கொள்கை! - துயா்சோ்
அயல்மொழி நீக்கி அருந்சுவை தேக்கி
உயா்தமிழ் காப்பாய் உடன்!
இயற்கை எழில்மணக்கும்! இன்தேன் சுரக்கும்!
செயற்கை இலாது சிறக்கும்! - இயக்கும்
வியன்தமிழ் தன்னை விரைந்தர(சு) ஏற்றி
உயா்தமிழ் காப்பாய் உடன்!
சந்தம் ஒலித்திடச் சிந்தும் செழித்திடத்
தந்த தனத்தன தாளமிட! முந்தும்
இயலிசை நாடகம் இன்மரபு ஓங்க
உயா்தமிழ் காப்பாய் உடன்!
அன்னை அறமோங்க, ஆற்றல் நிறைந்தோங்கப்
பொன்னை நிகா்த்த புகழோங்க! - உன்னைத்
துயா்வழி தள்ளியே துள்ளுபகை நீங்க
உயா்தமிழ் காப்பாய் உடன்!
கம்பன் படைத்த கனித்தோட்டம்! பூத்தாடும்
செம்பொன் மலா்க்கூட்டம்! செந்தமிழா! - செம்மை
வயல்வெளி பேரழகு வாய்த்தநம் தாயாம்
உயா்தமிழ் காப்பாய் உடன்!
பருகுநீா்! நல்லுணவு! பற்றிப் படா்ந்து
பெருகும் இனிமை!பே(று) எல்லாம் - அரிய
கயல்.வில் புலிக்கொடி கண்ட மொழியாம்
உயா்தமிழ் காப்பாய் உடன்!
கவிஞா் கி. பாரதிதாசன்
தலைவா். கம்பன் கழகம் பிரான்சு
(18.05.2012 புதுவைப் பாவலா் பயிற்சிப்
பட்டறை நடத்திய கவியரங்கத்
தலைமைக் கவிதை)
தொடரும்
RépondreSupprimerஉயர்தமிழ் காத்திடவே ஓங்கும் பணிகள்
அயர்விலா தாற்றுகின்ற அன்பா! - துயரினைப்
போக்கும் கவிபடைத்தாய்! போற்றி வணங்குகிறேன்!
பூக்கும் மகிழ்வைப் புனைந்து!
RépondreSupprimerவணக்கம்!
மொழியினைக் காக்காமல் முன்னேற்றம் உண்டோ?
பழியினை ஏய்துவதேன்? பாரில் - அழியும்
நிலையை அறிந்தும் நெடுந்துாக்கம்! நற்றாய்க்
கொலையைப் புாிவதோ கூறு?