வாழ்க பல்லாண்டு!

மணமக்கள் வாழ்க பல்லாண்டு!

வண்ண மலர்வனமும் வாச நறுங்காற்றும்

எண்ணம் அமர்ந்தே எழிலூட்ட! - உண்ணுகவே

இல்லற இன்னமுதைச் சோஃபியும் அர்மானும்!

நல்லறம் காண்கவே நன்கு!

அன்பிற் கனிந்த சிவஅரியும்

     அருளிற் கனிந்த கோமதியும்

இன்பிற் கனிந்து வளர்த்திட்ட

     இனிய செல்வி எழிற்சோஃபி

என்பிற் கனிந்த காதலிலே

     இணையும் செல்வன் நல்அர்மான்

மன்றிற் கனிந்த இந்நாள்போல்

     வாழ்க! வாழ்க! பல்லாண்டே!

பாடும் சின்ன குயிலிசையும்

     படரும் பச்சைக் கிளிமொழியும்

ஆடும் வண்ண மயில்நடமும்

     அமுதும் தேனும் முக்கனியும்

ஈடும் உண்டோ எனவோதும்

     இளமைத் தமிழின் பெருவளமும்

கூடும் சோஃபி நல்அர்மான்

     கொண்டு வாழ்க பல்லாண்டே!

26.06.2013