விருத்த மேடை - 94
சந்தக் கலிவிருத்தம் - 12
தந்தன+தனதாம்+தந்தன+தனதாம்
[நான்கு சீர்களும் 4 சந்த மாத்திரை]
குஞ்சரம் அனையார்! சிந்தைகொள் இளையார்!
பஞ்சினை அணிவார்! பால்வளை தெரிவார்!
அஞ்சனம் என,வாள் அம்புகள் இடையே
நஞ்சினை இடுவார்! நாண்மலர் புனைவார்!
[கம்பன், அயோத்தியா. கைகேயி சூழ்வினை - 68]
தந்தன+தனதாம்+தந்தன+தனதாம் என்ற அமைப்புடைய பாடல் இது. எல்லாமே நான்கு 4 சந்த மாத்திரைச் சீர்கள். தனதாம் வரும் இடங்களில் தனனாவும் வரும். தந்தன வரும் இடங்களில் தாந்தன என்பதும் வரும். மோனை 1, 4 ஆம் சீர்களில் அமையும்.
வடலுார் வள்ளல்
உள்ளொளி யுடையார்! ஒள்ளொலி மறையார்!
வெள்ளொளி உடையார்! விண்ணளி மழையார்!
கள்ளளி கவியார்! கண்ணொளி யிணையார்!
வள்ளொளி வடலுார் வாழ்கிற பெரியார்!
[பட்டரசர்]
மேற்கண்ட சந்தக் கலிவிருத்தம் ஒன்றே ஒன்று விரும்பிய தலைப்பில் இயற்றுமாறு அன்புடன் வேண்டுகிறேன்.
பாட்டரசர் கி. பாரதிதாசன்
கம்பன் கழகம் பிரான்சு.
தொல்காப்பியர் கழகம், பிரான்சு.
02.04.2023
Aucun commentaire:
Enregistrer un commentaire