விருத்த மேடை - 89
சந்தக் கலிவிருத்தம் - 6
தந்தன + தானம் + தந்தன + தானம்
[ஒவ்வொரு சீரும் 4 சந்த மாத்திரை]
எண்ணின கோடிப் பல்படை யாவும்
மண்ணுறு காவல் திண்மதில் வாயில்
வெண்ணிற மேகம் மின்னினம் வீசி
நண்ணின போல்வ தொன்னகர் நாண
[கம்பன், யுத்த. மாயா சீதை - 20]
இதில் தந்தன வரும் இடங்களில் தாதனவும் வரும். தானம் வரும் இடங்களில் தான, தன்ன, தன்னா, தன்னம் ஆகியனவும் வரும். இப்பாடலில் வருவன எல்லாம் 4 சந்த மாத்திரைச் சீர்களே. மோனை 1, 3 ஆம் சீர்களில் அமையும்.
சீர்மிகு பாடல் செம்மொழி சூடும்!
பார்மிகு ஞானப் பண்ணிசை பாடும்!
தார்மிகு வாசம் தண்ணுரை வீசும்!
வேர்மிகு போலப் பேர்மிகு காணும்!
[பாட்டரசர்]
மேற்கண்ட சந்தக் கலிவிருத்தம் ஒன்றே ஒன்று விரும்பிய தலைப்பில் இயற்றுமாறு அன்புடன் வேண்டுகிறேன்.
பாட்டரசர் கி. பாரதிதாசன்
கம்பன் கழகம் பிரான்சு.
தொல்காப்பியர் கழகம், பிரான்சு.
10.02.2023
Aucun commentaire:
Enregistrer un commentaire