விருத்த மேடை - 64
எண்சீர் விருத்தம் - 17
எழு மா + ஒரு காய்
சுற்றிச் சுற்றிச் சுழலு நினைவாற்
துாக்க மின்றித் துவளு மென்னுயிரே!
முற்றி முற்றி முட்டும் விதியால்
மூச்சுக் குள்ளே மோதுந் துயரலையே!
பற்றிப் பற்றி யுண்ணும் புழுவாய்ப்
பாவ மேறிப் பாதை தடையுறுமே!
ஒற்றி யொற்றி யுற்ற பழிகள்
ஓதி யோதி நின்றால் விட்டிடுமோ?
[பாட்டரசர்]
ஓரடியில் ஏழு மாச்சீர்களும் ஒரு காய்ச்சீரும் வரவேண்டும். ஒன்றைந்தாம் சீர்களில் மோனை அமைய வேண்டும். இவ்வாறு நான்கடிகள் ஓரெதுகையை ஏற்க வேண்டும்
விரும்பிய தலைப்பில் இவ்வகை எண்சீர் விருத்தம் ஒன்று இயற்றுமாறு அன்புடன் வேண்டுகிறேன்.
அன்புடன்
பாட்டரசர் கி. பாரதிதாசன்
கம்பன் கழகம் பிரான்சு
தொல்காப்பியர் கழகம், பிரான்சு
02.04.2022
தொல்காப்பியர் கழகம், பிரான்சு
02.04.2022
Aucun commentaire:
Enregistrer un commentaire