சமநடை வெண்பா

 

வெண்பா மேடை - 217

 

சமநடை வெண்பா

 

ஈற்றடி எழுத்தும் ஏனைய அடி எழுத்தும் ஒத்து வருகிற வெண்பா சமநடை வெண்பாவாம்.

நன்றே உழைத்து நயந்து நலஞ்சூடு! - 9

வென்றே விரிந்து விளையாடு! - மன்றே - 9

மணந்து புகழ்ந்து மகிழ்ந்து திளைக்க - 9

உணர்ந்தே உயர்தமிழை ஓது! - 9

 

கண்டு கனிந்து கதைத்து மணந்து..நாம் - 8

பண்பு மலர்ந்து படர்ந்து..நாம் -  பெண்ணே! - 8
களிப்பு நிறைந்து கமழ்ந்து மகிழ்ந்து - 8 

வளர்ப்போம் கவிதை வனம்! - 8

[பாட்டரசர்]

 

எழுத்து எண்ணும்பொழுது ஒற்றும் ஆய்தமும், குற்றுகரமும் நீக்கிக் கணக்கிட வேண்டும். மேலுள்ள வெண்பாவில் ஒற்றும் குற்றுகரமும் நீங்க அடிதோறும் 9 எழுத்துக்கள் வந்தன.

'சமநடை வெண்பா' ஒன்று எழுதுமாறு அன்புடன் வேண்டுகிறேன்.

 

பாட்டரசர் கி. பாரதிதாசன்

கம்பன் கழகம் பிரான்சு

தொல்காப்பியர் கழகம் பிரான்சு

பாலவர் பயிலரங்கம்  பிரான்சு

10.01.2022