mardi 14 avril 2020

முப்பொருள் அணி வெண்பா!


வெண்பா மேடை - 169
  
முப்பொருள் அணி வெண்பா!
  
ஒரு சொல் முப்பொருள் தரும் வண்ணம் அடைமொழியுடன் அமைவது முப்பொருள் அணி வெண்பாவாகும்.
  
கோலத் தமிழரசே! 'கோல்'எனில் என்னென்பாய்?
காலம் வடிக்கும் கவிக்கோலும், - ஞாலம்
படிக்கும்..செங் கோலும், பிடிக்கும்..கைக் கோலும்,
படைக்கும் தமிழைப் பருகு!
  
கோல் : எழுதுகோல், செங்கோல், ஊன்றுகோல்.
  
இவ்வாறு அமையும் 'முப்பொருள் அணி வெண்பா' ஒன்று பாடுமாறு அன்புடன் வேண்டுகிறேன்.
  
பாட்டரசர் கி. பாரதிதாசன்
தலைவர்
கம்பன் கழகம் பிரான்சு
தொல்காப்பியர் கழகம் பிரான்சு
14.04.2020

Aucun commentaire:

Enregistrer un commentaire