மலர் வாசல்
எங்குல அன்னை இன்னருள் செய்யச்
சங்குள வெண்மை தழைத்த என்மகள்
நற்பா வரசி நன்மன தினேசைப்
பொற்பா புனையப் புகுந்த இல்லறம்
ஏற்ற நாளை இன்றமிழ் கொண்டு
போற்ற வந்த புலவர் தமக்கும்
அன்னைத் தமிழில் ஆகமம் நடத்தி
முன்னை மரபை மொழிந்தார் தமக்கும்
பாசமாய் வந்து பரிசுகள் தந்து
வாசமாய் வாழ்த்து வடித்தார் தமக்கும்
நல்லார் தமக்கும் நண்பர் தமக்கும்
வல்லார் தமக்கும் வஞ்சியர் தமக்கும்
உறவாய்க் கூடி உழைத்தார் தமக்கும்
செறிவாய்ப் பணிகள் செய்தார் தமக்கும்
பாட்டின் அரசன் பாரதி தாசன்
கேட்டதற் கிணங்கித் தோட்டப் பூக்களைப்
பாடும் பாட்டுள் படைத்தார் தமக்கும்
ஏடும் மணக்க இசைத்தார் தமக்கும்
சொந்தம் என்றும் பந்தம் என்றும்
எந்தம் நன்றியை இசைத்தேன் நன்றே!
23.09.2026
Aucun commentaire:
Enregistrer un commentaire