இனிய வணக்கம்!
திருவள்ளுவர் ஆண்டு 2051
24.01.2020
நையும் உலகத்தை நல்வழியில் வாழ்விக்கும்
கையும் கருத்தும் கனிந்தீவாய்! - மையிருளைப்
போக்கும் அறமருள்வாய்! பூந்தமிழே! நற்பசுமை
தேக்கும் திறமருள்வாய் சேர்த்து!
நொடிப்பொழுதும் நீங்காதே! நொய்யளவும் மண்டைத்
தடிப்பெதுவும் சேர்க்காதே! தாயே! - துடித்தெழுதும்
ஊக்கம் உவந்துாட்டி உன்மகனைக் காத்திடுவாய்!
தாக்கும் பகையைத் தகர்த்து!
நோக்கம் சிறந்தொளிரும்! நுண்மாண் நுழைபுலத்தால்
ஆக்கம் அமுதுாறும்! அன்பூறும்! - பூக்கும்
மலர்க்காடே! மாத்தமிழே! வானமுதே! இன்பக்
கலைக்காடே! காப்பாய் கமழ்ந்து!
பாட்டரசர் கி. பாரதிதாசன்
நிறுவுநர்
கம்பன் கழகம் பிரான்சு
தொல்காப்பியர் கழகம் பிரான்சு
ஆகா....!
RépondreSupprimer