மாட்டுப் பொங்கல்

திருவள்ளுவர் ஆண்டு 2051 தை 2
16.01.2020
　　
உழவர் திருநாள் வாழ்த்துக்கள்!
　　
மாட்டுப் பொங்கல் பொங்குகவே!
　　
உழவே உலகின் அச்சாணி!
　　　உறவே வயலை உழுகாளை!
தொழுமே குறளை எத்திசையும்!
　　　தொண்டே இனத்தின் அடையாளம்!
விழுதே போன்று குடிதாங்கும்
　　　வீறே தமிழர் வியன்மாட்சி!
அழகே! அமுதே! தைப்பெண்ணே!
　　　அறமே இனிக்கப் பொங்குகவே!
　　
ஏறு துள்ளும் கலத்தினிலே
　　　இளமை துள்ளும் வளமேந்தி,
ஆறு பாயும் நிலமாக
　　　அன்பே பாயும் அருளேந்தி,
ஊறு மகத்துள் எந்நாளும்
　　　உயர்ந்த கவிதை சுவையேந்தி,
வேறு வேறாய் நிற்காமல்
　　　வேராய் வன்மை பொங்குகவே!
　　
பாட்டரசர் கி. பாரதிதாசன்
கம்பன் கழகம் பிரான்சு
தொல்காப்பியர் கழகம் பிரான்சு