இயற்றமிழ்ப் பொங்கல் திருநாள் வாழ்த்து!
இயற்றமிழைப் போற்றி இனிக்கின்ற பொங்கல்!
உயிர்..தமிழைப் போற்றி ஒளிரும்! - பயிர்..காக்கும்
ஏருடையோர் போன்றே எழிற்றாய் மொழிகாப்போம்!
சீருடையோர் காண்புகழ் சேர்த்து!
நிரையோங்க வேண்டும்! நினைவோங்க வேண்டும்!
விரையோங்க வேண்டும் விளைந்து! - மரையாய்
உரையோங்க வேண்டும்! உயர்தமிழால் இந்தத்
தரையோங்க வேண்டும் தழைத்து!
பாட்டரசர் கி. பாரதிதாசன்
தலைவர்
கம்பன் கழகம் பிரான்சு
உலகத் தொல்காப்பியத் தலைமை மன்றம்
18.01.2019
வாழ்த்துக்கள்
RépondreSupprimer