வெண்பா மேடை - 150
மூவின வெண்பா - 1
தண்பொழில் பூத்தொளிரும்! தங்குசுவைத் தேன்கனிகள்
கண்ணெழில் கோத்தொளிரும்! காப்பொளிரும்! - பண்ணெழில்
சந்தமொழிக் கூத்தொளிரும்! தண்டமிழே! பார்மணக்க
வந்தவழி மூத்தொளிரும் வாழ்ந்து!
வெண்பாவின் அனைத்துச் சீர்களிலும் தமிழின் மூவினம் பயின்று வரவேண்டும் [வல்லினம், மெல்லினம், இடையினம்]
விரும்பிய பொருளில் 'மூவின வெண்பா' ஒன்றைப் பாடுமாறு அன்புடன் வேண்டுகிறேன். "பாவலர் பயிலரங்கம்" என்ற குழுவில் இணைந்து வெண்பாவைத் தனிப்பதிவாகப் பதிவிடுக.
அன்புடன்
பாட்டரசர் கி. பாரதிதாசன்
நிறுவுநர்
கம்பன் கழகம் பிரான்சு
தொல்காப்பியர் கழகம் பிரான்சு
11.12.2019
ஆகா...! அருமை ஐயா...
RépondreSupprimer