விருத்த மேடை - 78
கலிவிருத்தம் - 14
மா + மா + மா + விளம்
மருவார் குழலி மாதோர் பாகமாய்த்
திருவார் செம்பொன் பள்ளி மேவிய
கருவார் கண்டத் தீசன் கழல்களை
மருவா தவர்மேல் மன்னும் பாவமே!
[திருஞான சம்பந்தர் தேவாரம் - 261]
ஞானவொளி!
நெற்றி நடுவில் உற்ற பேரொளி
முற்றிக் கிடக்கும் மோகம் நீக்குமே!
பற்றிப் படரும் பரமன் திருவருள்
வெற்றி யுலகை மேவிக் காக்குமே!
[பாட்டரசர்]
கலிவிருத்தம் ஓரடியில் நான்கு சீர்களைப் பெறும். நான்கடிகள் ஓரெதுகையில் அமையும். ஒன்று மூன்றாம் சீர்களில் மோனை வரும்.
மா + மா + மா + விளம் என்ற வாய்பாட்டில் விரும்பிய தலைப்பில் கலிவிருத்தம் ஒன்று இயற்றுமாறு அன்புடன் வேண்டுகிறேன்.
அன்புடன்
பாட்டரசர் கி. பாரதிதாசன்
கம்பன் கழகம் பிரான்சு
தொல்காப்பியர் கழகம், பிரான்சு
07.11.2022
.
Aucun commentaire:
Enregistrer un commentaire