பாவலர் பயிலரங்க உறவுகள் அனைவருக்கும் வணக்கம்!
.
பாவலர் பயிலரங்கம் நடத்தும் விருத்தமாயிரம் எழுதும் கவிவளப் பயிற்சியில் ஐந்நுாறு விருத்தங்கள் பாடித் தொடர்கின்ற திருமிகு வில்லுார்ப் பாரதி அவர்களுக்குப் பாவலர் பட்டம் வழங்கிச் சிறப்பிக்கிறோம்.
.
நல்லுார் முருகனின் நற்பேறால் பாவலராய்
வில்லுார்ப் பாரதியார் மிக்குயர்ந்தார்! - வெல்லும்
உளத்துடன் வாழ்க! உயா்தமிழ்த் தாயின்
வளத்துடன் வாழ்க மகிழ்ந்து!
.
பாவலர் பட்டம் பெற்ற திருமிகு வில்லுார்ப் பாரதி அவர்களுக்குப் பாவலர் பயிலரங்க உறவுகள் விருத்தப்பாவில் ஒரு பக்க வாழ்த்து கவிதை பாடுமாறு அன்புடன் வேண்டுகிறேன்.
.
திருவள்ளுவர் ஆண்டு 2054/இரட்டை[ஆனி] 29
14.07.2023
.
பாட்டரசர் கி. பாரதிதாசன்
கம்பன் கழகம் பிரான்சு
தொல்காப்பியர் கழகம் பிரான்சு
பாலவர் பயிலரங்கம் பிரான்சு
Aucun commentaire:
Enregistrer un commentaire