கவியரசு கண்ணதாசன்

கண்ணதாசன் பாக்கள்

சொல்லழகும் பொருளழகும் பொலியும் பாக்கள்

     சுடரமுதை நம்நெஞ்சுள் பொழியும் பாக்கள்

நல்லழகாம் அணியாவும் மின்னும் பாக்கள்

     நற்றமிழைத் தேனடையாய் நல்கும் பாக்கள்

எல்லோரும் உளமுருகிக் கேட்கும் பாக்கள்

     ஈடில்லாத் தமிழ்ப்புகழைக் காட்டும் பாக்கள்

கல்லாரும் கற்றவரும் களிக்கும் வண்ணம்

     கமழ்கின்ற கண்ணதாசன் பாக்கள் வாழி!

10-05-2002

------------------------------------------------------------------------------------------------------
 

புதுமைக் கவிஞர் வாணிதாசன்                    

புதுவைக்குப் புகழ்சேர்த்த புலவர்! இன்பப்

     பூந்தமிழின் சீர்காத்த மறவர்! வாழ்வில்

பொதுமைக்கு வழிபடைத்த அன்பர்! வல்ல

     புரட்சிப்பா வேந்தர்தம் தோழர்! நன்றாய்

எதுகைக்கும் மோனைக்கும் எழில் கொடுத்தே

     இன்னமுத கவிபடைத்த கவிதைச் செல்வர்!

புதுமைக்கும் இனிமைக்கும் காட்டாய் மின்னும்

     பொற்புடைய வாணிதாசர் நூல்கள் வாழி!

04.06.2002

------------------------------------------------------------------------------------------------------